Friday, 28 April 2017 08:17

Лилия Вәлиуллина язмасы («Минем каһарманым» бәйгесе)

Rate this item
(1398 votes)

10

Язманы түбәндәрәк укыгыз:

Мин сезне үземнең карт бабам белән таныштырасым килә. Минем карт бабам – сугыш һәм хезмәт ветераны Фазылҗанов Габдрахман Хәбибрахман улы. Ул 1924 елның 24 нче августында Комыргужа авылында туган.

1941 елның 22 июнендә Германия фашистлары безнең илебезгә каршы сугыш башлый. Шул елны яшь кенә булуына карамастан, карт бабам Мәскәү асты Волокамск шәһәренә сугышка озатыла. Анда ул пулемётчик булып хезмәт итә. Шунда ул Марий районы Бәрәңге авылы егете Галимхан белән таныша, аның белән яу кырларында иңгә-иң куешып, батырларча илебезне яклый. 1943 елны Курск сугыш кырына да барып җитәләр. Каты сугышларның берсендә карт бабам яралана, шул мизгелдә бомба шартлап контузияләнеп аңын югалта. Ә менә дусты Галимханны немецлар әсирлеккә алалар. Яраланган бабамны солдатлар күреп алып, хәрби госпитальга алып барып җиткерәләр. Хәрби госпитальда карт бабайга озак ятарга туры килә, пуля колак сөяген ватып чыккан, сул кулы хәрәкәтсез була, контузия алу сәбәпле, колаклары да начар ишетә башлый. Аны дәвалаучы хирург Казан кешесе булып чыга, ул ярасы авыр булганга, сугышка яраксыз дип карт бабамны дембелизовать итә.

1944 елны карт бабам авылга кайта. Сугыш тәмамлангач, яралары азмы-күпме төзәлгәч, Буа ветеринар техникумын тәмамлый, алга таба ветфельдшер булып хезмәт итә. Күәм авылының Мәрьям исемле кызы белән тормыш корып җибәрәләр, 6 бала үстереп, матур гомер кичерәләр.

Бөек Ватан сугышының 30 еллыгын авылда зурлап бәйрәм итеп кичә уздыралар, шунда бабамны кунак итеп чакыралар. Сугышта булган хатирәләре белән уртаклашкан вакытта дусты Галимхан килеп керә. Бу очрашу бабайга бер дә көтелмәгән булып чыга. Ничәме-ничә еллардан соң бер-берсе белән очрашып күрешү икесе өчен дә зур вакыйга була. Бу очрашуны оештыручылар исә ике дусның балалары булып чыга.

Габдрахман бабам сугыштагы батырлыклары өчен медальләр, орденнар белән бүләкләнә. Карт әбиебез шуларның һәрберсен кадерләп кечкенә генә үзе ясаган, чигелгән мендәренә тагып җыеп бара.

Кызганыч, 2001 нче елның 18 мартында, карт бабам дөньядан китә. Аны әле дә барыбыз да олылап искә алып яшибез.

Лилия Вәлиуллина, 6 яшь, 186нчы балалар бакчасы, Казан.

Поделитесь с друзьями

Read 910 times

Leave a comment

Make sure you enter all the required information, indicated by an asterisk (*). HTML code is not allowed.

aprel

"Салават күпере"нең апрель ае саны да дөнья күрде, дустым! Бу санда син яңа "Мин татар гаиләсендә үсәм", "Әлли-бәлли-бәү!", "Иң яхшы сценарий", "Иң кадерле бүләк" бәйгеләре шартларын табарсың, матур шигырь, кызыклы әкиятләр укырсың һәм тагын бик күп файдалы мәгълүмат тупларсың! Шулай ук мавыктыргыч уеннар, буягычлар, Галим галәмдә дигән китапчык, ребуслы кроссворд, кызыклы мәзәкләр күрә алырсың.

Дуслар, үскәч нинди һөнәр сайлар идегез?
  • Голоса: (0%)
  • Голоса: (0%)
  • Голоса: (0%)
  • Голоса: (0%)
  • Голоса: (0%)
Всего голосов:
Первый голос:
Последний голос:
 
 


Элемтә

© 2014-2016 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902 от 17.11.2014 г.
выдано Федеральной службой по надзору в сфере связи, информационных технологий и массовых коммуникаций (Роскомнадзор).
Настоящий ресурс может содержать материалы 0+, 6+. Вся информация, размещенная на данном веб-сайте,
предназначена только для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна. Адрес редакции: 420066, г. Казань, ул. Декабристов, д. 2.
Телефон: +7 (843) 519-45-89. Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА» Директор филиала: Хуснутдинов Зиннур Зиятдинович.
Главный редактор: Бурханова А.Р.

Сайт разработал Курьянов Евгений Игоревич