Tuesday, 11 April 2017 08:46

Мәрзия Фәйзуллина

Rate this item
(0 votes)

IMG 2164

Балалар язучысы, шагыйрә Мәрзия Низам кызы Фәйзуллина (Тәрҗеманова) 1930 елның 11 июнендә Татарстан Республикасының Арча районы Шушмабаш авылында туа. 1946–1956 еллар арасында Казанда төрле оешмаларда: халык судында – сәркәтип, милиция бүлегендә – тәртип бозучы балаларны тәрбияләү эше инспекторы, Татарстан китап нәшриятында бухгалтер булып эшли. Узган гасырның илленче еллары башында яза башлый, 1955 елда Татарстан китап нәшриятында мәктәпкәчә яшьтәге балалар өчен кечкенә генә шигъри җыентыгы – «Салават күпере» дигән беренче китабы басылып чыга. Тулырак мәгълүматны түбәндәрәк укыгыз:

Шуннан соң ул, нәниләр дөньясына тагын да якынрак булу өчен, 1956 елда балалар бакчасына тәрбияче булып эшкә күчә. Бер үк вакытта 1957 елда урта мәктәпне читтән торып тәмамлавы турында өлгергәнлек аттестаты ала.

1956–1962 елларда башта балалар бакчасында тәрбияче, аннан Казан Укытучылар йортының балалар тәрбиясе бүлеге мөдире булып эшләү чорында М.Фәйзуллинаның иҗат эшчәнлеге дә күзгә күренеп активлаша, нәниләр өчен бер-бер артлы «Чәчәкләр сәгате», «Ике көрәк», «Зур дулкыннар», «Гөлнар мәктәпкә бара» дигән шигырь җыентыклары дөнья күрә.

1958–1964 елларда М.Фәйзуллина читтән торып Мәскәүдәге М.Горький исемендәге Әдәбият институтында укый. Шагыйрәнең иҗаты белән Мәскәү балалар нәшриятлары да кызыксына башлый, нәтиҗәдә 1963–1965 еллар арасында аның «Детгиз», «Малыш» нәшриятларында бер-бер артлы русча тәрҗемәдә «Цветочные часы», «Стихи», «Пропала кошка» дигән өч китабы басылып чыга. Тәнкыйтьче В.Дементьев, балалар язучысы С.Баруздин, күренекле балалар шагыйрәсе А.Бартоларның мәкалә һәм чыгышларында бу китаплар авторның иҗади уңышы дип бәяләнә.

«Гаилә әлифбасы» исемле китабы өчен М.Фәйзуллина 2004 елда Татарстан Язучылар берлегенең А.Алиш исемендәге бүләгенә лаек була.

Аның шигъри иҗаты балалар поэзиясе белән генә чикләнми, ул олылар күңеленең мәхәббәткә, гаилә һәм җәмгыять тормышына кагылышлы хис-фикерләрен гәүдәләндергән лирик шигырьләр («Сугыш юлларының тузаны», «Чиккән яулык» җыентыклары), «Алмагачлар күләгәсендә» кебек поэмалар, шулай ук көндәлек матбугатта басылган публицистик мәкаләләр авторы буларак та билгеле.

Шагыйрәнең аерым әсәрләре рус теленнән тыш үзбәк, чуаш, украин һ.б. телләргә тәрҗемә ителә. Ул – Татарстанның атказанган мәдәният хезмәткәре (1990).

М.Фәйзуллина – 1965 елдан СССР (Татарстан) Язучылар берлегендә.

ТӨП БАСМА КИТАПЛАРЫ:

Салават күпере: шигырьләр. – Казан: Татар. кит. нәшр., 1955.

Чәчәкләр сәгате: шигырьләр. – Казан: Татар. кит. нәшр., 1959.

Ике көрәк: шигырь. – Казан: Татар. кит. нәшр., 1961.

Зур дулкыннар: шигырьләр. – Казан: Татар. кит. нәшр., 1962.

Гөлнар мәктәпкә бара: шигырь. – Казан: Татар. кит. нәшр., 1963.

Шаян ай: шигырьләр. – Казан: Татар. кит. нәшр., 1966.

Саф мәхәббәт: шигырьләр. – Казан: Татар. кит. нәшр., 1967.

Нәни булышчы: шигырьләр. – Казан: Татар. кит. нәшр., 1970.

Энҗе чәчәк: шигырьләр. – Казан: Татар. кит. нәшр., 1970.

Уенчыклар иртәсе: шигырьләр. – Казан: Татар. кит. нәшр., 1975.

Болытсыз яңгыр: шигырьләр. – Казан: Татар. кит. нәшр., 1981.

Сугыш юлларының тузаны: шигырьләр. – Казан: Татар. кит. нәшр., 1985.

Салават күпере: шигырьләр. – Казан: Татар. кит. нәшр., 1989.

Чиккән яулык: шигырьләр. – Казан: Татар. кит. нәшр., 1991.

Мияубикә: шигырьләр. – Казан: Татар. кит. нәшр., 1992.

Гаилә әлифбасы: әниләр һәм балалар өчен тәрбия китабы. – Казан: Мәгариф, 1999.

Тик сиңа гына: шигырьләр, поэмалар. – Казан: Татар. кит. нәшр., 2004.

Цветочные часы: стихи / пер. с татар. – М.: Детгиз, 1963.

Стихи / пер. с татар. – М.: Малыш, 1964.

Пропала кошка: стихи / пер. с татар. – М.: Малыш, 1965.

Два утенка: стихи / пер. с татар. – М.: Малыш, 1972.

Только для тебя: стихи и поэма / пер. с татар. – М.: Современник, 1978.

Радуга: стихи / пер. с татар. – Казань: Татар. кн. изд-во, 1988.

Спрячься, ветер, в траве: стихи, поэма / пер. с татар. – Казань (?), 2000.

Поделитесь с друзьями

Read 648 times

Leave a comment

Make sure you enter all the required information, indicated by an asterisk (*). HTML code is not allowed.

aprel

"Салават күпере"нең апрель ае саны да дөнья күрде, дустым! Бу санда син яңа "Мин татар гаиләсендә үсәм", "Әлли-бәлли-бәү!", "Иң яхшы сценарий", "Иң кадерле бүләк" бәйгеләре шартларын табарсың, матур шигырь, кызыклы әкиятләр укырсың һәм тагын бик күп файдалы мәгълүмат тупларсың! Шулай ук мавыктыргыч уеннар, буягычлар, Галим галәмдә дигән китапчык, ребуслы кроссворд, кызыклы мәзәкләр күрә алырсың.

Дуслар, үскәч нинди һөнәр сайлар идегез?
  • Голоса: (0%)
  • Голоса: (0%)
  • Голоса: (0%)
  • Голоса: (0%)
  • Голоса: (0%)
Всего голосов:
Первый голос:
Последний голос:
 
 


Элемтә

© 2014-2016 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902 от 17.11.2014 г.
выдано Федеральной службой по надзору в сфере связи, информационных технологий и массовых коммуникаций (Роскомнадзор).
Настоящий ресурс может содержать материалы 0+, 6+. Вся информация, размещенная на данном веб-сайте,
предназначена только для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна. Адрес редакции: 420066, г. Казань, ул. Декабристов, д. 2.
Телефон: +7 (843) 519-45-89. Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА» Директор филиала: Хуснутдинов Зиннур Зиятдинович.
Главный редактор: Бурханова А.Р.

Сайт разработал Курьянов Евгений Игоревич