Мәктәп сукмагы

Көз керсә дә календарьнең битләренә,

Ә чынлыкта әле җәй хуҗа.

Кышлар, язлар бик тиз узган сыман

Балачак та шулай тиз уза.

Агачларда әле яшел күлмәк,

Болыннарда чәчкә, күбәләк.

Көз килде дип моңсуланмыйк әле,

Яшик дуслар, яшик бергәләп.

Көз көнен мин аеруча яратам,

Мәктәп, китапларны сагынам.

Мәктәп еллары да бик күп еллар

Китмәсеннәр әле янымнан.

Сары яфрак үзенчә бер матур,

Сары үлән, сары сукмаклар...

Шул сукмактан сагынып кайтырбыз без,

Мәктәбемә булып кунаклар.