Балам бар. Балага өстәмә ризык бирүне кайчан башларга?

«Салават күпере» журналының баш мөхәррире Зилә Язның балалар табибы, медицина фәннәре кандидаты, доцент Илдус Җәүдәт улы Лотфуллин белән әңгәмәсеннән өзек.

Зилә Яз: Прикорм. Ягъни бала сөттән яки ясалма сөттән кала өстәмә ризык бирү турында сөйләшик. Бу баланың тормышында мөһим вакыйга. Ул төрле тәмнәр белән таныша. Сезнеңчә бу кайчан башланырга тиеш?

Илдус Лотфуллин: Моңа фәнни яктан исбатланган җавап бар. 4 айдан башлап күпчелек бала прикорм ашарга әзер. 6 айга кадәр кичектереп торырга була. Әмма 6 айдан соң кертү соң!

Пюредан башлыйбыз, бер яшькә җитәрәк ризыкны кисәкләп бирергә була.

Бала әзер икән берьюлы күптөрле ризыклар (боткалар, яшелчәләр, итләр) бирә башларга ярый.

8 айга кадәр балага 9 аллерген ризык биреп карарга кирәк: сөт, бодай, күкәйнең сарысы да, агы да, балык, арахис, миндаль, Әстерхан чикләвеге, кунжут.