Шигырьләр

Мияу!

Песи, песи, пескәем,

Соры синең төскәең.

Йомшак синең йоннарың,

Җылы синең туннарың.

Роберт Миңнуллин

Бәти

Бар белгәне — «Бә».

«Бә дә бә», — ди ул.

«Бу ни?» дисәгез, —

Безнең бәти ул.

Рафис Корбан

Чебиләр

Өй алдында чебиләр:

«Чип-чип-чип!» — дип йөриләр.

Кечкенә канатлары,

Муеннары сап-сары.

Мәхмүт Хөсәен

Туп

Әминә елый үкереп,

— Тубым суга төште, — дип.

— Чү, Әминә, елама:

Туп батмый ул елгада.

Әминә Бикчәнтәева