Табышмаклар

Һәр җир карланган,
Сулар бозланган,
Уйный җил-буран,
Бу кайчак, туган? (Кыш көне)

Тәңкә карлар сибелгән
Җир ап-акка күмелгән.
Чыршы, каен, имән
Кардан чикмән кигән.
Бу кайчак? (Кыш)

клама16+Работает на технологиях Яндекс
Йолдыз, йолдыз вак кына,
Яфраклары ак кына.
Өс киемеңә куна,
Тәнгә тисә су була (Кар бөртеге)

Оча – юк канатлары,
Чаба – юк аяклары,
Тышта булса өелә,
Өйгә керсә, җәелә. (Кар)

Үкерә дә, котыра,
Бөтен җирне тутыра. (Буран)

Утта янмый, суда батмый. (Боз)

Ишегалды таш була,
Өйгә керсә, су була. (Боз)