Табышмаклар

Типтем — очты, биеп-биеп,

Суга төште, батмады.

Әни әйтә: «Шуны чөеп,

Тәрәзәне ватма!» — ди.

(Туп)

Йөртәләр аны һәрвакыт,

Каты-каты типкәләп,

Җан-фәрманга йөгерә ул,

Тормый бер дә үпкәләп.

(Футбол тубы)

Ике көпчәкле арба,

Атсыз да алга чаба.

(Велосипед)

Кышын таудан шуабыз,

Җәен җыеп куябыз.

(Чана, чаңгы)

Аяклары түгәрәк,

Куышалар, тәгәрәп.

Үзем утырам, үзем чабам

Теләсә кая табан.

(Велосипед)

Шома табанлы чана,

Атсыз да алга чаба —

Кулда булса таяклар,

Җитез булса аяклар.

(Чаңгы)

Елгада су акканда

Эшсез без — ял итәбез.

Елга бозга әйләнгәч,

Без йөгереп китәбез.

(Тимераяклар)

Агач атлар

Кардан баралар.

Карда батмыйлар,

Матур эз салалар.

(Чаңгы)