Тәмле коктейль

Урамда җәй. Ниндидер тәмле, салкын, шул ук вакытта туклыклы һәм файдалы да коктейль эчәсе килә. Иң тәмле һәм җиңел коктейль ясар өчен рецепт тәкъдим итәбез.

Коктейль өчен бер банан, 150 мл майсыз сөт, 150 гр йогурт, әгәр тагын да баллырак булсын дисәгез, бер чәй кашыгы сыек бал салырга була, тагын бер чеметем корица кирәк. Бананны кисәкләргә кискәләп, блендер савытына салабыз, аннары сөт, йогурт, теләгән кеше бал һәм корица кушып, барысын бергә блендерда зур тизлектә болгатабыз. Нәкъ кибеттәге кебек, өстендә күбекләр барлыкка килә.

Розалия Мостафина