Тукайга бүләк

Су анасы:       Качма, качма тукта, тукта и карак,

                         Ник аласың син аны, ул бит минем алтын тарак.

Малай:           И явыз карчык тарагыңнан коры калдыңмы?

Су анасы:      Туктааааа!

(Шүркә  Су анасын тотып кала)

Шүркә:          Тукта, тукта, Су анасы,

                        Барыбер тота алмасссың.

                        Бу карак малай бик җитез,

                        Тарагың ала алмассың.

Су анасы:      Ник туктаттың? Кая барыйм?

                        Нишлим хәзер тараксыз?

Шүркә:          Һич кайгырма, син юкка

                        Яшәп була тараксыз!

                       Су анасы, елмай әле,

                       Бүген бит көне шундый:

                       Тукай туган көн икәнен

                       Табигать хәтта аңлый!

Су анасы:     Тукай туган көн мени!

                       Менә шатлык,куаныч,

                       Ярар инде, кайгырмыйм,

                       Бәйрәм булыр юаныч.

Шүркә:         Су анасы, уйлашыйк,

                       Бүләгебез ни булыр?

                       Буш кул барып булмый бит,

                       Истәлеккә ни калыр?

Су анасы:    Алтын тарагым минем

                       Бик затлы бүләк иде...

                       Кояш нурларында җем-җем,

                       Килеп ялтырар иде

Шүркә:         Үткән эшкә салават,

                       Юк бит инде ул тарак.

                      Әйдә, киттек сарыкка

                      Бөтен өмет капчыкта.

Су анасы:   Капчык та булдымы хитмәт,

                      Нәрсә бар дип беләсең?

                      Бер үлгән бүре башыннан

                      Бер нәрсә дә күрмәссең!

Шүркә:        130 ел өчендә

                      Ниләр генә булмастыр!

                     Сарык, кәҗә капчыкны

                     Байлык белән тутыргандыр!

                     Әнә, үзләре килә

                     Белербез, хәзер менә.

(Сарык, кәҗә керә)

Кәҗә:          Микки-ки, микки-ки

                     Сарык абзый, тот капчыкны син бит миннән көчлерәк

Сарык:        Юк, юк кәҗәкәем , бәгеркәем,

                     Син бит миннән гайрәтлерәк.

Кәҗә:          130 ел буе капчыкка мал җыелды,

                     Күтәрүе бик авыр,

                     Сарык дускай, картаелдыыыы.

Шүркә:       Исәнмесез, Кәҗә, Сарык,

                     Хәлләр ничек? Буламы?

                     Капчыгыгыз бигрәк зур,

                     Күтәреп соң буламы?

Сарык:       Кара әле, Кәҗә, сиңа әйтәм,

                     Берни дә соң аңламыйм,

                    Әллә соң ялгыш күрәм,

                    Шүрәлене танымыйм.

Шүркә:      Мин - Шүрәле оныгы:

                    Исемем була Шүркәй.

                    Су анасы белән бергә

                   Эзлибез сезне, дускай.

Кәҗә:        Нәрсәгә кирәк булдык?

                   Сөйләп җибәр, тыңлыйбыз.

Шүркә:     Тукай бабайның бәйрәме

                   Туган көн килеп җиткән.

                   Уйламыйсыз, карап торам,

                    Сезнең инде эш беткән.

Кәҗә:         Шулаймыни? Ярар,ярар...

                   Яратам мин бәйрәмнәр.

                   Сарык та шулай уйлый,

                   Башың селке, и җүләр.

Шүркә:     Сезнең капчык бигрәк зур,

                   Ниләр генә бар икән?

                   Бәлкем, ачып карарбыз,

                   Берәр бүләк табарбыз.

Кәҗә:         Белмим инде нәрсә барын, 

                   Үзебез дә оныттык:

                    Бүре башы, әллә чиләк,

                   Кашык, әллә шунда бер иләк,

            (капчыктан шар күбәләкләр очып чыга)

                   Әллә инде күбәләк!

Шүркә:     Бүләккә -  күбәләк?

                   Очып китәр, күр дә тор!

                   Нишләргә соң, әллә инде

                   Бабамны чакырыйкмы?

                   Аның акылы бик күп,

                   Күрсәтер туры юлны.

                   Бабакаем, Шүрәле,

                   Безнең янга кил әле.

Зур Шүрәле чыршылар артыннан бүрәнәсен күтәреп чыга:

             Кемгә инде мин кирәк?                      

             Кайсы мине чакыра?

             Зур урманда тынычлык юк,

             Картайган шул башыма.

  Кәҗә: Үпкәләгән, ни булган?

             Шүрәлене күр әле,

             Бүрәнәсен өстерәп,

             Йөри икән бит әле!

Җыр “Шүрәле”

             Ачуланган, турсайган,

             Шүрәлене күр әле.

             Онытырга вакыт инде

             Былтыргы үпкәләрне

             Әй, Шүрәле,Шүрәле,

             Безнең янга кил әле.

             Син әйбәт бит, син яхшы бит,

             Теге хәлне сөйләле.

Зур ШүрәлеРәхмәт,дуслар, җырладыгыз,

             Күңелемне күтәрдегез.

             Тик шулай да авырта шул,

             Бүрәнәгә кыстырылган кул.

Сарык:130 ел үткән,

             Бүрәнә дә чермәгән.

             Тартып алыйк, шул кулны

             Башка юлы калмаган.

      Барысы: 1, 2, 3 - бездә көч

Зур ШүрәлеАй-яй рәхмәт, менә рәхәт,

             Кулларым хәзер азат.

             Чүт кенә кети-кети,

             Уйнарга да мин бик шат!

Шүркә:         Тукта,тукта бабакай,

             Уйнарга син ашыкма.

             Сиңа килдек киңәш сорап:

             Бүләк кирәк Тукайга.

Зур ШүрәлеТукай туган көн бүген,

            Шатлык тулган көн бүген,

            Бөтен дөнья аллы-гөлле

            Чәчкә аткан көн бүген.

            Иң яхшы бүләк, дусларым,

            Ул сезнең көләч йөзләр.

            Тукай турында әйткән,

            Иң матур, җылы сүзләр.

            Бүләк!- диеп сорыйсыз

            Ник булмасын? - бар бездә..

            (бүрәнә өченнән  тарма ала)

            Тукайга бирерлек бүләк,

            Кызыллык килмәс йөзгә. 

            (тартманы ача, аннан балалар көлгән тавышлар ишетелә)

            Чәчәк бәйләмнәрен җыеп,

            Тукайга бүләк итик.

            Әкиятебезне тәмамлап,

            Бергәләшеп бер җырлыйк.

            Җыр: “Бәйрәм бүген”