Алтын бөртекләр

Әкиятне сәхнәгә куючы:

татар теле тәрбиячеләре - Катеева Гөлназ Рафаэль кызы,

Хәкимова Рәзинә Харис кызы.

(Татар халык әкияте)

Ишек алды күренеше. Әни кечкенә балалары белән ирен сугышка озата. Инде менә малайлар үсеп, ир-егетләр булалар.

Әни: Әле генә кечкенә сабыйларым белән әтиләрен сугышка озатып калган идем. Нинди зур егетләр булып үсеп җиттеләр.Әй, гомер дигәннәре, үтә дә китә икән.

(Малайлар уйный, шаяралар)

Әни: Улларым, килегез әле минем яныма.

Малайлар: Нәрсә бар әни?

Әни: Мин сезне үстердем, хәзер инде үз көнегезне үзегез күрегез.

Малай 1: Без үз көнебезне үзебез күрер идек тә, акчабыз юк бит әни. Син безгә берәр бөртек булса да алтын бир инде.

Әни: Алтын бирәм. Бер бөртек кенә түгел, мең бөртек бирәм. Тик ул алтыннарны әтиегез яшереп куйган иде. Аны үзегез эзләп табыгыз.

Малайлар: Табабыз, әни, табабыз!

Әни: Әнә, Ташлытау белән Карлытауны күрәсезме? (Артта экранда тау һәм басу күренеше ) Шул ике тау арасында киң басу бар. Шул басуда әтиегез алтын бөртекләрне яшереп куйган иде. Аны үзегез эзләп табарсыз!

Малайлар: Табабыз, табабыз!

Әни: Басуның җирен казыгыз, тир сыпырып, җиң сызганып эшләгез.

Малайлар: Ярар әни! (Малалйлар сабан белән җирне сөрәләр,тырмалыйлар)

Малай 2: Күпме җирне эшкәрттек, арып беттек..

Малай 3:Булмаган алтынны эзләп тормыйк абыйлар, өйгә кайтыйк.

Малайлар: Кайтыйк булмаса!

(Малайлар кайта, әниләре тавыкка җим сибеп йөри)

Малай 1:Әни, бөтен җирне сөреп чыктык, бер бөртек тә алтын тапмадык.

Әни: Борчылмагыз улларым,табарсыз сез ул алтынны. Әнә, бурадагы бодайны алып килегез әле миңа. Кырга илтеп чәчегез шушы бодайны. Көз көне, бодайны ургач, тамырын йолкыгыз. Бодай тамырына алтын бөртекләр эләгеп чыгар.

Малайлар: Ярар әни!

(Малайлар, иләкләр тотып,бодайны илтеп чәчәләр)

Малайлар: Бердәмлектә көч- тиз бетте безнең эш!

Малай 3: Җил дә вакытында исеп, яңгыр да вакытында яуса, уңыш шәп булыр!

Малай 2: Кояшны болыт каплады, яңгыр җыена бугай.(Башаклар белән кызлар биюе)

Малай 1: Абыйлар, энеләрем, урак вакыты җитте. Ашлыкны вакытында җыярга кирәк.

Малай 4: Әйе, дөрес әйтәсең. Чөнки башаклардан орлыклар коела башларга мөмкин.

Малай 5: Икмәк әрәм булмасын.

(Малайлар чалгыларын алалар. Игенне урып чыгалар)

Малайлар: Бердәмлектә көч-тиз бетте безнең эш!

(Кызлар егетләрне ашатырга басуга киләләр, ашъяулык җәеп, өстәл әзерлиләр)

Кыз 1: Я, егетләр, эшләп арыдыгызмы?

Кыз 2: Без сезгә ашарга алып килдек.

Кыз 3: Менә сезгә сөт.

Кыз 4:Яңа мичтән төшкән ипи.Суынырга да өлгермәгән әле.

Кыз 5: Ә мин сезгә каймак алып килдем.

Кыз : Бал юк, гафу итәрсез инде.?!

(Бергәләп җир өстендә ашъяулык җәеп, ашыйлар)

Малай 2:Тәмле булды бу, рәхмәт кызлар!

Малай 3: Кызлар, бәлки безгә ярдәм итәрсез?

Кызлар: Без риза!

Малай 1: Рәхмәт кызлар, шәп булды бу!

(Игенне җыялар. Малайлар капчыкларны тутырып, әниләре алдына алып кайтып куялар)

Әни: Улларым, әтиегез җиргә күмгән алтын бөртекләре шулар инде. Сез аларны эзләп тапкансыз. Хәзер инде үз көнегезне үзегез күрә аласыз.

Малайлар: Рәхмәт әни!

Казан шəhəре Яңа Савин районының «99 нчы катнаш төрдəге балалар бакчасы» мəктəпкəчə белем муниципаль бюджет учреждениесе.