Иң-иң-иң...

Дөньяда иң зур хайван нәрсә? Ул – зәңгәр кит. Аның озынлыгы 33 метрга җитә. Авырлыгы –190 (йөз туксан) тонна. Синең 35 фил күргәнең бармы? Зәңгәр кит шул 35 фил авырлыгында. Ә иң кечкенә хайван нәрсә, дисеңме? Анысы – Таиландта яши торган ярканат. Авырлыгы 2 грамм гына. Кошларның иң зурысы – тәвә кошы. Биеклеге– ике метр ярым. Авырлыгы 156 (йөз илле алты) кило-граммга җитә. Иң кечкенә кош – колибри. Авырлыгы –2 грамм. Бездә яши торган иң кечкенә кош – кәрлә тургай. Озынлыгы – 9 сантиметр чамасы, авырлыгы – 4– 6 грамм. Иң кыйммәтле хайван нәрсә, дисеңме? Бу Изе Джет кушаматлы чабыш аты. Аның өчен 30 миллион доллар түләгәннәр. Ул вакытта бу акчага 10 меңнән артык җиңел машина сатып алып булган.

Рабит Батулла