Йомры икмәк

Уйный-уйный үсәбез

Фишкалы уен

Максат: Юл йөрү кагыйдәләре буенча белемнәрне ныгыту.

Уен барышы: Йомры икмәк аюдан да, бүредән дә качкан. Шулай тәгәри торгач, шәһәргә килеп чыккан. Ә шәһәрдә... Ай-һай икән... Шәһәрдә тәгәрәр өчен юл йөрү кагыйдәләрен белергә һәм аларны төгәл үтәргә кирәк. Әйдәгез, бергәләп йомры икмәккә алга таба тәгәрәргә булышыйк.

Иң беренче әзер үрнәк буенча шакмак ясыйбыз. Шакмагыбыз әзер булгач, уенны башласак та була.

Икенче эш итеп уң якта урнашкан искәрмәгә игътибар ит. Юл сагындагы билгеләрне дә игътибарсыз калдырма.

Стартка басып, шакмагыбызны чөеп җибәрәбез. Шакмактагы санның кайсы өстә кала, шул нокталар саны буенча йөреш ясыйбыз. Финишка беренче килеп җиткән уенчы җиңүче була. Уңышлар Сезгә!