Ренат Харис шигырьләре

Йокы Йокы керде күземә, тынгы бирми үземә – ачтыра да яптыра, тик утырам аптырам. Аннан керде авызга – кара син бу явызга: ачтыра да яптыра, Һава гына каптыра. Тагын бер тапкыр кергәч, мин йокыны алдадым – авызымны яптым да кирегә чыгармадым. Бигрәк дөрес иткәнмен – йоклаганмын-киткәнмен... Башмак кигәндә...

Йокы

Йокы керде күземә,

тынгы бирми үземә –

ачтыра да яптыра,

тик утырам аптырам.

Аннан керде авызга –

кара син бу явызга:

ачтыра да яптыра,

Һава гына каптыра.

Тагын бер тапкыр кергәч,

мин йокыны алдадым –

авызымны яптым да

кирегә чыгармадым.

Бигрәк дөрес иткәнмен –

йоклаганмын-киткәнмен...

Башмак кигәндә

Менә безнең уң башмак,

менә безнең сул башмак.

Уңын киябез башта,

аннан киярбез сулын...

Уңын алдан кигәннең

уңа икән, ди, юлы.

Уң аяк безнең әзер.

Сулын киябез хәзер.