Тиен

Тиен – бик матур һәм шук хайван. Ул чыршы һәм нарат күркәләре, гөмбә, җиләк, имән чикләвеге белән туклана. Вак кәлтәләрне, кош йомыркаларын да ашый.  

Тырыш тиен кышка көз башында ук әзерләнә башлый. Җәйге кызгылт-сары төстәге тунын җылы куе йонлы соргылт-көмеш тунына алыштыра.  Төрле орлыклар, чикләвекләр җыя, гөмбә киптерә. Аннары аларны агач куышына яисә бүтән хайваннар казып калдырган өннәргә качыра. Ул запасларын берничә урынга куя. Кыш җиткәч, аларны эзләргә керешә. Кайберләрен табып ашый. Ә тиен тапмаган чикләвекләрдән, орлыклардан яшь агачлар һәм төрле-төрле үсемлекләр үсеп чыга. Шулай итеп «начар хәтерле» тиен урманны сакларга ярдәм итә.