Яхшылык дәвалый

Әкиятне сәхнәгә куючы  татар теле тәрбиячесе - Сәгъдиева Лилия Рәшит кызы.

(Мари халык әкияте)

Мари өе күренеше. (сул яктан)

Урман (уртада)

Базар (уң яктан).

Рольләр: 1.Автор

               2.Сапа (әни)

               3. Юшка (улы)

               4. Күрше

               5. Урыс

               6. Чуваш

               7. Башкорт

               8. Татар

               9. Аю

               10.Төлке

               11.Куян

               12. Ат

Автор: Бер мари авылында Сапа исемле хатын яшәгән. Аның Юшка исемле малае булган. Ләкин баласының куллары бик авырткан. Юшканың куллары кайры белән капланган.

Юшка: Әнием, минем кулларым бик авырта.

Сапа: Әй, балам! Түз инде, тиздән кулларыңны дәваларбыз.

Күрше: Исәнме, күршекәй! Хәлләрегез ничек?

Сапа: Исәнме, күрше! Хәлләребез начар әле. Улымның куллары бик авырта. Нишләргә икән?! Ничек дәваларга?

Күрше: Елама, Сапа, күрше. Юшканың кулларын май, бал һәм дару үләннәре белән дәвалап була. Шулай эшләп кара әле.

Сапа: Рәхмәт, күрше. Син әйткәнчә дәвалап карарбыз.

Әйдә, чәй эчәбез.

Күрше: Рәхмәт, күрше! Юк, вакытым юк, киттем. Кәҗә савасым бар. Сау бул, күрше!

Сапа: Сау бул, күрше! Тагын кунакка кер.

Сапа: Улым!

Юшка: Нәрсә, әни?

Сапа: Улым, бар әле базарга. Май, бал һәм дару үләннәре алып кайт әле. Шулар белән кулларыңны дәвалап карарбыз.

Юшка: Ярар, әнием! Хәзер барам. Атны җигәм дә китәм.

Ат: Әйдә киттек хуҗа!

Базарга ат белән бара. Базар күренеше.

Урыс: Шундый зур безнең базар.

Чуваш: Шундый бай безнең базар!

Татар: Тәмле сыйлар, шәп товарлар

              Сезне көтә күрегез!

Башкорт: Ярминкәгә чакырабыз,

Барысы бергә: Рәхим итеп килегез!

Юшка: Ә син нәрсә сатасың?

Урыс: Әйдә, җитезрәк!

           Атла, тизрәк!

           Затлы әйберләр сатам,

           Кәрзинем яхшы, бар чабатам.

           Иң шәп товар минеке.

           Җитеш тизрәк!

Юшка кәрзин сатып ала.

Юшка: Ә син нәрсә сатасың?

Татар: Ни кирәк, шул бар!

             Җаның теләгәнне сайлап ал!

             Баллы чәкчәк, сандык

             Читек һәм йомры икмәк.

             Дустым, сатып ал әйдә тизрәк!

Юшка ипи сатып ала.

Башкорт: Телеңне йотарлык бавырсак һәм бал!

                   Ашык тизрәк, әйдә сатып ал!

Юшка бал сатып ала.

Чуваш: Кулларыңа ни булды ай-яй?

               Булыша диләр май!

               Май һәм дару үләннәре сатам

               Ашык тизрәк, дустым!

               Барысы да бар бездә

               Тәкъдим итәм сезгә!

Юшка май, дару үләннәре сатып ала.

Юшка: Әни әйткән әйбеләрне сатып алдым. Хәзер өйгә кайтсам да була.

Ат: Әйдә киттек хуҗа!

Юлында Аю очрый.

Аю: Исәнме, Юшка!

Юшка: Исәнме, аю!

Аю: Син, болай каян кайтып барасың?

Юшка: Мин базардан кайтып барам. Минем кулларым авырта. Кулларымны дәваларга дип бал, май һәм дару үләннәре сатып алдым.

Аю: Минем дә балаларым авырый. Аларны дәваларга бал бир әле зинхар.

Юшка: Менә аю сиңа бал,

             Балаларыңны дәвалап ал!

Аю: Рәхмәт сиңа, Юшка! Яхшылыгың үзеңә яхшылык булып кайтсын! Яхшылыгың өчен мә сиңа бүләккә мари баш киеме.

Юшка: Рәхмәт сиңа, аю! Минем мондый матур баш киеме юк иде.

Бара торгач, юлында төлке очрый.

Төлке: Исәнме, егеткәй!

Юшка: Исәнме, төлке!

Төлке: Бик талчыктым, бик ачыктым, егеткәй!

Бирче азрак май һәм ипекәй!

Юшка: Мә, төлке! Сыйлан.

Төлке: Рәхмәт, егеткәй!

Яхшылыкка яхшылык. Яхшылыгың өчен мә сиңа бүләккә шушпык (мари музыка инструменты).Сандугач кебек сайрап йөр. Моңлы көй кулларыңны дәваласын.

Юшка: Рәхмәт, сиңа төлке!

Шулай бара торгач, юлында куян очрый.

Куян: Исәнме, Юшка!

Юшка: Исәнме, куян!

Куян: Юшка, минем аякларым бик каты сызлый. Миңа кәрзинеңдәге дару үләннәрен бир әле, зинһар.

Юшка: Мә, куянкай. Шифасы булсын.

Куян: Рәхмәт, Юшка! Яхшылыкка яхшылык. Яхшылыгың өчен мә сиңа бүләккә мари билбавы. Ул тылсымлы.

Барлык җәнлекләр бергә чыгалар:

Аю: Тылсымлы билбау яхшылыклар эшләгән кешеләргә генә булыша.

Куян: Аны билеңә бәйләсәң, синең кулларың дәваланачак.

Төлке: Әйдәгез Юшкага булышыйк, тылсымлы сүзләрне бергәләп әйтик.

Бергә: Алтын җирдә ятмас, яхшылык юлда калмас.

Автор: Юшка билбауны киюе була, аның куллары төзәлә.

Юшка: Ура! Мин терелдем! Рәхмәт сезгә, дусларым!

Әнисе артыннан килә.

Сапа: Улым, син озак кайтмагач, сине эзләп килдем.

Юшка: Әнием, миннән җәнлекләргә ярдәм сорадылар. Мин базардан сатып алган әйберләрне бирдем. Шуның өчен куян миңа тылсымлы билбау бүләк итте. Аны кигәч, минем кулларым төзәлде! Ура! Әнием, мин терелдем!

Сапа: Улым, мин бик шатмын. Киләчәктә дә шундый мәрхәмәтле, яхшы кеше булып кал. Рәхмәт сиңа, улым. Мин – бик бәхетле ана.

Барлык геройлар җырга тезелеп басалар.

Җыр.

Казан шәһәре  Яңа Савин районының

«Татар телендә тәрбия һәм белем бирүче

208 нче катнаш төрдәге балалар бакчасы».