Яңгыр. Шигырьләр җыелмасы.

Яңгыр ява Яңгыр ява! Яңгыр ява Шыбыр-шыбыр. Йөгереп чыга бала-чага, Ыбыр-чыбыр. Яшен яшьни, күкләр тетри Дөбер-шатыр! Курыкмыйлар, кулларында Зонтик-чатыр... Илдар Юзеев Яңгыр — Яңгыр, нигә явасың, Чәчләремә тамасың? Көне буе яварга Суны каян табасың? Вәсимә Хәйруллина Көзге яңгыр — Апа, безгә артыбыздан Шыбыр-шыбыр кем дәшә? — Кем дә дәшми, көзге...

Яңгыр ява

Яңгыр ява! Яңгыр ява

Шыбыр-шыбыр.

Йөгереп чыга бала-чага,

Ыбыр-чыбыр.

Яшен яшьни, күкләр тетри

Дөбер-шатыр!

Курыкмыйлар, кулларында

Зонтик-чатыр...

Илдар Юзеев

Яңгыр

— Яңгыр, нигә явасың,

Чәчләремә тамасың?

Көне буе яварга

Суны каян табасың?

Вәсимә Хәйруллина

Көзге яңгыр

— Апа, безгә артыбыздан

Шыбыр-шыбыр кем дәшә?

— Кем дә дәшми, көзге яңгыр

Зонтик белән сөйләшә.

Мәрзия Фәйзуллина