Һөнәрләр иленә сәяхәт

Уенның максаты:

- Балаларның һөнәр турындагы белемнәрен арттыру, уй-фикерләү сәләтләрен үстерү;

- һәрбер һөнәр ияләре хезмәтенә карата игелекле һәм ихтирамлы мөнәсәбәт тәрбияләү.

Уен барышы:

Кулдан тегелгән курчаклар ярдәмендә балалар һөнәр ияләре белән танышалар (укытучы, полиция хезмәткәре, тимерче, янгын сүндерүче, компьютерчы, пешекче, табиб), тәрбияче балаларга кыскача һәм кызыклы булган мәгьлүмат бирә. Курчаклар “һөнәрләр илендә” үзләре генә түгел, һәрбер курчакнын чемоданы барлыгын әйтә. Чемодан артында магнитиклар ярдәмендә ябыштырылган хезмәт кораллары. Балалар башта нинди һөнәр иясенә кирәкле хезмәт кораллары белән танышып чыгалар, аннан мөстәкыйль рәвештә, тәрбияче бутаган рәсемнәрне дөрес итеп чемоданнарга ябыштырып куялар. Курчаклар белән уйнарга да онытмыйлар.

Биектау районы, Дачное бистәсенең “Березка” балалар бакчасы

Гафиятуллина Гөлнур Ниязбик кызы, 1 категорияле тәрбияче.