Өлгер

Өлгер белән без икәү дус. Беркөн мин Өлгердә кунакта булдым. Өлгер белән

аның әнкәсе шулай сөйләшеп алдылар:

– Балам, су алып кайтчы. Утын да кирәк икән.

– Су да алып кайттым, утын да керттем, әнкәй.

– Бик яхшы, балам, күрми дә торам икән. Ә утының кайда соң?

– Утынны мин, әнкәй, мичкә тутырып куйдым инде.

– Минем эшләрем кимегән икән. Кая, алай булгач,пальто төймәңне ныгытам.

– Мин ул төймәне үзем ныгыттым инде, әнкәй.

– Менә рәхмәт, балам...

Өлгер белән без дус дигән идемме сезгә?

Дөрес. Шулай булгач, миңа да бөтен эштә Өлгер артыннан өлгерергә кирәк.

Идрис Туктар