13 ноября 2019 10:34
Балагыз тешләрен чистартамы?
Балаларны ничек теш чистартырга өйрәтергә икән дигән уйлар борчыймы сезне? Ә бит тешләрне балачактан сакларга, теш чистарту гадәтен дә кечкенәдән сеңдерергә кирәк. 2-3 яшьлек бала теш чистартырга теләмәсә, аны мәҗбүр итү кирәкми. Бу эшне бергә башкару яхшы, бала шулай итеп олылардан карап өйрәнәчәк. 4-5 яшькә кадәр махсус балалар өчен теш...
Балаларны ничек теш чистартырга өйрәтергә икән дигән уйлар борчыймы сезне? Ә бит тешләрне балачактан сакларга, теш чистарту гадәтен дә кечкенәдән сеңдерергә кирәк. 2-3 яшьлек бала теш чистартырга теләмәсә, аны мәҗбүр итү кирәкми. Бу эшне бергә башкару яхшы, бала шулай итеп олылардан карап өйрәнәчәк. 4-5 яшькә кадәр махсус балалар өчен теш пасталары кулланырга киңәш итәбез. Ә менә чайкарга өйрәтү авыррак булачак. Шулай ук тешләр сәламәт булсын өчен, теш пастасының нинди маркадан булуы артык мөһим түгел. Ул безнең ашауга да бәйле. Ашауны озаграк итеп чәйнәү һәм аның катылыгы тешләргә һәм аңкауларга уңай тәэсир итә. Шулай ук организмга тиешле күләмдә кальций, фосфор, Д витаминының да җитәрлек булуы мөһим.
Фото:pixabay.com