Тел шомарткычлар

Карама

Карамага карама

Карама, карама, карамага карама,

Карамага карасаң, ике күзең карала.

Абага

Абагага бага-бага

Башым бәрдем баганага.

Кара карга баласы

Кара карганың кара баласы туган көннән бирле

акыра да акыра, әнисен чакыра: «Карр, карр, карр!»

Ш-ш-ш

Елмая күктә ………(кояш).

Ша-ша-ша

Әйтерсең ул……….(сары шар).

Шы-шы-шы

Ян тәрәзәгә каршы

Үсеп утыра …………(чыршы).

Шу-шу-шу

Әйдә монда утырма,

Я чана, чаңгыда …..(шу).

Поезд

Поезд бара – дың-дың-дың!

Тәгәрмәчләр – чың-чың-чың!

Поезд тауга менә – пуф-пуф-пуф!

Ничек ардым – уф-уф-уф!

Поезд таудан төшә – дың-дың, чың-чың!

Станциягә җитте – ш-ш, ч-ч!

***

Тышка чыктык,

Кулга пычкы тоттык.

Утын кистек:

Зиӊ-зиӊ, зиӊ-зиӊ.

Ике кулга балта тоттык,

Утын ярдык:

Ддак-ддак, дддак-дддак.

Өйгә кайттык.

«Л»

Ла – ла  – лампа

Ла – ла – бала бал ала.

Ли – ли – әлли  – бәлли бәү итә.

Лык – лык – күлдә балык бар.

Лык – лык – орлык

Лек – лек – күзлек

Ләк – ләк – бүләк

Лан – лан – болан

Лан – лан – балан

Лы – лы – Чаллы

Лар – лар – таллар

Аю

Лап – лоп атлап,

Урман яклап

Килә аю баласы.

Балның тәме

Белгән икән:

Килә бездә каласы.

«Р»

Ра – ра – ра- ра – ромашка

Ромашкалар урманда

Ромашкалар кырларда.

Ур – ур – урман матур

Ур – ур – урак урам мин.

Ур – ур – урамнан барам.

Ра – ра – ра – ра – яратам.

Ер – ер – ер – ер  – сыерчыклар

Ра – ра – ра – ра – ракетага

Ра – Ра – Рамил утырган.

Ра – ра – ра – ра – ракетаны

Җир тирәли очырган

«Б»

Бора – бора борауны,

Борһан тишкән бураны.

Шул тишектән бураны

Тутырган кар бураны.

Трактор

Трак – трак – трактор,

Басуларны урап тор,

Үләннәрне тураттыр.

«Башка эшләр бармы?» –  дип,

Һәрчак бездән сорап тор.