Бакчабызда яз бәйрәме!

Табигатьтә яз хакимлек итә. Яз үзе белән беренче язгы бәйрәмнәрне дә алып килә. Балалар бакчаларында бәйрәмнәр чоры башланды. Казан шәһәре Авиатөзелеш районының 78нче балалар бакчасында да 8 март бәйрәмнәре гөрләп узды. Музыка җитәкчеләре тәрбиячеләр белән берлектә балаларга күңелле, әниләргә кызыклы, мавыктыргыч бәйрәмнәр уздырдылар. Балалара әниләре өчен тырышып театральләштерелгән тамашар әзерләделәр. Бәйрәм бүләксез буламыни? Нәниләр үз куллары белән әзерләгән бүләкләрен дә бүләк иттеләр. Ә әниләр исә кызыклы уеннарда катнашып, үзләре дә бала чакларына кайттылар. Быелгы яз балалар өчен шатлыкларга, күңелле мизгелләргә бай булыр дип ышанып калыйк.

Ризәлә Рифгать кызы Гарипова, 78нче балалар бакчасының татар теле тәрбиячесе.