Бакчабызда – Май чабу бәйрәме!

Аны славяннар православие дине кабул ителгәнче үк билгеләп үткәннәр. Бәйрәм җиде көн – төрле йолалар белән үткәрелә. Кешеләр күңел ачалар, кунакка йөрешәләр һәм коймак ашыйлар. Халыкта, әгәр Май чабу атнасын коймаклар пешереп, җырлар-биюләр, күңелле уеннар белән үткәрсәң, йортыңа бәхет керәчәк дип ышанганнар.
Казан шәһәре Авиатөзелеш районы 78 нче балалар бакчасында да Май чабу бәйрәме күңелле генә үтеп китте. Төркемнәрдә бәйрәм табыннары әзерләнде – Май чабу бәйрәменең төп атрибуты булган, түгәрәк коймак та өстәл түрендә булды. Саф һавага чыгып, балалар рәхәтләнеп күңел ачтылар, биеделәр, төрле уеннарда катнаштылар. Ә соңыннан коймак белән сыйландылар.

Ризәлә Рифгать кызы Гарипова, Казан шәһәренең 78 нче балалар бакчасы татар теле тәрбиячесе.