«Кәләпүшем-калфагым» җыры тексты һәм ноталары

Дәү әнием энҗе калфак

Бүләк итте үземә.

Энҗе калфак үзе ап-ак

Бик килешә йөземә.

 
Йөзләремә килешәсең

Кайлардан гына белгән.

Туган көнгә Дәү әтием

Кәләпүш алып килгән.

Кушымта:

Кәләпүшем-калфагым,

Энҗе мәрҗәннәр чиккән.

Чиккән калфагым үземә

Бигрәк килешә икән.

Калфагымның матурлыгын

Һәммәсе дә күрсеннәр.

Энҗе калфак кигән кыз ул –

Татар кызы дисеннәр!

Кәләпүшемне кидем,

Көзге каршына килдем.

Менә шушындый була ул

Татар малае дидем!

Кушымта.

Яңа кәләпүшем булгач,

Яңа җырлар өйрәндем.

Калфаклы чибәр кыз белән

Әйлән-бәйлән әйләндем!

Энҗе мәрҗән калфагыма

Йөрим сөенеп кенә.

Сәхнәләргә чыгып җырлыйм,

Калфаклар киеп кенә.

Кушымта.