01 март 2026 16:12
Кар астыннан чыкты яз
Нәҗип Мадьяров
Иртә белән уянсак,
Бөтен дөнья агарган.
Түбәләргә, урамнарга
Актан да ак кар яуган.
Әбиебез: «Балалар,
Күрәмсез, кыш килде, — ди.
Көзне бөтенләе белән
Кар астына күмде», — ди.
Инде салкын кыш үтте,
Нурга чумды дөньялар.
Киң ярларын тарсынышып
Ташый инеш, елгалар.
Әбиебез: «Балалар,
— Күлләрдә боз купты, — ди. —
Без сагынган шау-шулы яз
Кар астыннан чыкты», — ди.