«Көзге мәшәкатьләр» шигыре

Көзге мәшәкатьләр

Тәлгәш-тәлгәш миләш яна,

Уттай күк йөзен күрәм.

Чакырылмаган кунактай

Көзге урманга керәм.

Һәрбер җәнлекнең үз эше,

Бар да көйли үз көен:

Янут куышын җылыта,

Күркәләр җыя тиен.

Имән чикләвеге кабып,

Тычкан чаба өненә,

Ул үзенә азык җыя

Кышның суык көненә.

Якты-алтын чаганнарның

Ишеген киереп ачам,

Шул мизгелдә бу җәнлекләр

Үз өйләренә кача.

Көзгә күренми шаулаган

Тормыш кала тукталып.

Дусларым, сезне борчымыйм,

Китәм, сезгә сокланып.

Фәридә Ризаева рәсеме

Ленар Шаех тәрҗемәсе