Рус халкы турында

ЗДРАВСТВУЙТЕ!

Руслар – Россиядә яшәүче иң күпсанлы халык. Аларның саны 100 миллионнан артык.

Рус халкының ризыклары күп төрле. Шуларның берсе – белен (блины). Ул кояш кебек түп-түгәрәк. Беленне бал, кайматма яисә каймак белән ашыйлар.

Төп музыка уен кораллары – өч кыллы балалайка.

Иң күңелле бәйрәмнәре – Май чабу (Масленица) һәм Пасха. Май чабуда, кышны озатып, саламнан ясалган карачкыны яндыралар, белен пешерәләр. Пасха вакытында йомыркаларны, төрле төсләргә буяп, бер-берсенә бүләк итәләр.