Күзәтүчеләр нәтиҗәле эшләүләрен исбатлаган

Россия Конституциясенә төзәтмәләр буенча тавыш бирү участокларында күзәтүчеләр сыйфатында 30дан алып 50 яшькә кадәр булган кешеләр катнашкан. Аларның 60 проценттан артыгын хатын-кызлар тәшкил иткән. Бу хакта гомумроссия тавыш бирү республика матбугат үзәгендә ТР Иҗтимагый палатасы рәисе Зилә Вәлиева сөйләде.

«Яшьләрнең күпләп катнашуы сөенечле хәл. Әлеге активлык безнең Республикага хас күренеш. Күзәтүче эшенең мөһимлеге күзәтү дә генә түгел. Иң беренче чиратта ул кешенең шушы зур эштә үз теләге белән килеп катнашуында чагыла .

Участокларда күзәтүчеләр вазгыятьне тулы күләмдә бәяләргә ярдәм итүчеләр булды. Алар тавыш бирүне үткәрүдә Үзәк сайлау комиссиясе хезмәткәрләренә булышлык күрсәтте», – дип фикерен белдерде Зилә Вәлиева.

Гөлназ Вәлиева