Четверг, 15 июля 2021 14:26

Йорт хайваннары турында шигырьләр

Кәҗә

Кәҗә безгә йон бирә,

Кәҗә безгә сөт бирә.

Тик шунысын яратмыйм:

Җәен бакчага керә.

Мөнир Мазунов

Бәтиләр

Үсә безнең фермада

Бик күп нәни бәтиләр.

-Бә! – диләр. – Бә! – диләр,

Башка бер сүз әйтмиләр.

-Ничек исемнәрегез? –

Дип сорагач, бәтиләр:

-Бә! – диләр. – Бә! – диләр,

Башка бер сүз әйтмиләр.

-Сезгә ничә яшь? – дигәч

Аңламыйлар бәтиләр:

-Бә! – диләр. – Бә! – диләр,

Башка бер сүз әйтмиләр.

-Шәл бәйләргә йон безгә

Бирегезче, бәтиләр!

-Мә! – диләр. – Мә! – диләр,

Бөдрә тунлы бәтиләр.

Әминә Бикчәнтәева

Безнең сыер

-Әби, әби, әйт әле,

Сыер нигә мөгери?

-Карыны ачкан, улым,

Печән китер, йөгер, - ди.

-Ашап туйгач, ник сыер,

Сузып-сузып, “му-у” ди ул?

-Эчәсе килгән, улым,

Китер миңа су-у! – ди ул.

Нәкыйп Каштанов

Мияу!

Песи, песи, пескәем,

Соры синең төскәең.

Йомшак синең йоннарың,

Җылы синең туннарың.

Роберт Миңнуллин

Бәти

Бар белгәне “Бә”.

-Б-ә дә б-ә, - ди ул.

-Бу ни, - дисәгез, -

Безнең бәти ул.

Рафис Корбан

Маэмай

Минем бар бер маэмаем,

Кара борын Акбаем.

Күп йөгерә, күп өрә,

Күп ишетә, күп күрә...

Муса Җәлил

Мыраубикә

Мыраубикә кызык та соң,

Мыр-мыр-мыр итә-итә,

Әбиемнең итәгендә

Гыр-гыр-гыр йоклап китә.

Дамир Гарифуллин

Безнең сыер

Безнең сыер өебезне яхшы белә,

Көтүдән ул мөгри-мөгри кайтып керә,

Әйтерсең лә: “Мине каршы алыгыз! – ди,

Мул итеп сөт алып кайттым, савыгыз!” – ди.

Әнәс Кари


Дусларың белән бүлеш

 

 

Журналның иң беренче санын күрәсең киләме?




Сетевое издание «Салават купере»
© 2014-2020 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902,
выдано Федеральной службой по надзору в сфере связи,
информационных технологий и массовых коммуникаций (Роскомнадзор) от 17.11.2014 г.
Настоящий ресурс может содержать материалы 0+, 6+.
Вся информация, размещенная на данном веб-сайте, предназначена только
для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна.
Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646).
Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА»
Руководитель филиала: Хуснутдинов Зиннур Зиятдинович
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»