Четверг, 15 июля 2021 14:38

Йорт кошлары турында шигырьләр

Әтәч

Иртән бик иртә тора,

Канат кагып кычкыра:

-Кикрикүк! Кикрикүк!

Тор иртәрәк: эшең күп...

Гасыйм Лотфи

Тавыклар белән Таһир

Тавыклар йөри:

-Кыт-кыт та кыт-кыт!

Син, Таһир, безнең

Тамакны тук тот!

Таһир җим бирә:

Сүзсез дә аңлый –

Алар бит җимсез

Бер күкәй салмый.

Дамир Гарифуллин

Чебиләр

Өй алдында чебиләр:

-Чип-чип-чип! – дип йөриләр.

Кечкенә канатлары,

Муеннары сап-сары.

Мәхмүт Хөсәен

Әтәч

Таң ата бугай,

Әтәч кычкыра:

-Кикри-күк,

Кикри-күк!

Йә сузып кына,

Йә бик еш кына:

-Кикри-күк,

Кикри-күк!

Без дә уяндык

Әтәч тавышына:

-Кикри-күк,

Бакчага килдек,

Ашыга-ашыга:

-Кикри-күк,

Кикри-күк!

Муса Җәлил

Кикрикүк

Күктә сүнде йолдызлар,

Уянды үрдәк-казлар,

Торсын малайлар, кызлар!

Кик-ри-кү-үк!

Кик-ри-кү-үк!

Җәвад Тәрҗеманов

Әтәчем

Әтәчем! Әтәчем!

Ник иртә ятасың?

Йокыдан син безне

Иртүк уятасың.

Торасың да иртүк

Кычкырасың бик күп:

Кикри-күк, кикри-күк,

Кикри-күк, кикри-күк!

Бари Рәхмәт

Чебиләр

Акыллы кыз Гөлфия

Чебиләрне бик сөя:

Әнисе эштә чагында,

Ул аларга җим сибә.

Их чебиләр, чебиләр!

Һич тынычлык бирмиләр:

Гөлфиянең кул астында

Черелдәшеп йөриләр.

Әнәс Кари

Тавык

Кытаклап чыкты тавык,

Кытаклый ул, мактанып.

Нәрсәгә бик шатланган?

Чөнки ул күкәй салган.

“Әби килеп алсын, ди,

Балалар куансын”,- ди.

Әнәс Кари

Кызыл әтәч

Кызыл әтәч

Торган иртүк.

Кычкырадыр:

-Кикрикүк!

-Кикрикүк!

Торыйк иртүк –

Эшләр бик күп!

Гөлшат елап ятмасын,

Япсын елак капкасын.

Күз яшьләре тиз кипсен,

Тавыкларга җим сипсен.

Саҗидә Сөләйманова

Йә, алар кемнәр икән?

Тезелешеп кайталар,

Бак-бак-бак, дип әйтәләр.

-Йә, алар кемнәр икән?

-Алар үрдәкләр икән.

Сикерешеп уйныйлар,

Мәэлдзшеп туймыйлар.

-Йә, алар кемнәр икән?

-Алар бәрәннәр икән.

Юлны күктән сузалар,

Каркылдашып узалар.

-Йә, алар кемнәр икән?

-Алар каргалар икән.

Дамир Гарифуллин

Дусларың белән бүлеш

 

 

Журналның иң беренче санын күрәсең киләме?




Сетевое издание «Салават купере»
© 2014-2020 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902,
выдано Федеральной службой по надзору в сфере связи,
информационных технологий и массовых коммуникаций (Роскомнадзор) от 17.11.2014 г.
Настоящий ресурс может содержать материалы 0+, 6+.
Вся информация, размещенная на данном веб-сайте, предназначена только
для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна.
Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646).
Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА»
Руководитель филиала: Хуснутдинов Зиннур Зиятдинович
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»