Ренат Харис шигырьләре

Лап-лап Лап-лап, лап-лап, аю килә атлап. Бөтен төше тузан, чәче-башы тузган. Аюга ни булган? Аюга ни булган? Берни дә булмаган — куян туп уйнаган, тупка каты типкән, туп очкан да киткән, төшкән ул чокырга, чокырда чытырман. Аю тупны күргән, алып менеп биргән. Бәлли-бәү Әлли-бәлли-бәлли-бәү... Куян кечтек, аю дәү! Аюның...

Лап-лап

Лап-лап, лап-лап,

аю килә атлап.

Бөтен төше тузан,

чәче-башы тузган.

Аюга ни булган?

Берни дә булмаган —

куян туп уйнаган,

тупка каты типкән,

туп очкан да киткән,

төшкән ул чокырга,

чокырда чытырман.

Аю тупны күргән,

алып менеп биргән.

Бәлли-бәү

Әлли-бәлли-бәлли-бәү...

Куян кечтек, аю дәү!

Аюның бар юрганы,

ап-ак кардан сырганы

Әлли-бәлли-бәлли-бәү...

Юрган җылы, юрган дәү!

Юрган астына сыя

Аю, Төлке һәм Куян.

Аю җылы, юрган дәү...

Әлли-бәлли-бәлли-бәү!