Безгә Кәчедән язалар

Мин, Гарифуллина Рәмилә, Кәче төп гомуми белем мәктәбенең 3 нче сыйныф укучысы. Без 11 нче сентябрь көнне көзге табигатькә экскурсиягә чыктык. Икенче көнне шул экскурсиядән булган кичерешләр турында уртаклаштык. Ә мин үзем иҗат иткән шигыремне Сезгә җибәрәм.

Табигатькә чыктык без...

Көзнең ямьле бер көнендә

Табигатькә чыктык без.

Төрле уеннар уйнадык,

Рәхәтләнеп ял иттек.

Көзге үзгәрешләрне

Тырыша-тырыша күзәттек.

Көз дә безне яраткандыр,

Без дә аны үз иттек.

Инде тырышып укырга

Мәктәпкә дә барырбыз.

Бары тик яхшы гына

Билгеләр без алырбыз.