Үзсүзле даһи

Сәлам, дустым! Синең компьютер яисә ноутбукны күргәнең, аларда мультфильм яисә кызыклы тапшыру караганың, әти-әниеңнең компьютерда эшләгәнен күзәткәнең бардыр. Компьютер яисә ноутбук эшләсен өчен, аңа операцион система кирәк. Хәзерге «акыллы машина»ларның барысында да Микрософт операцион системасы тора. Аны уйлап табучыларның берсе – Билл Гейтс – 2016 елда планетабызның иң бай кешесе булып таныла. Ә кечкенә вакытында Билл нинди булган соң?

Бала чагында Билл Гейтс бик үзсүзле, бәхәсләшергә яратучы малай була. Әти-әниләре улларының авыр холкын берничек тә җиңә алмыйлар: аларның бер сүзенә Билл ун сүз белән җавап бирә, бер киңәшне дә кабул итми, үзен өйрәткәнгә ачулана гына. Аны орышып та, оялтып та карыйлар – файдасы тими. Нишләргә белмәгәч, әти-әнисе Биллны психологка алып бара. Бер ел үзсүзле малай белән эшләгәннән соң, психолог ирле-хатынлы Гейтсларга: «Сезгә улыгызның холкына җайлашасы гына кала. Аның белән бәхәсләшеп, вакытыгызны гына уздырачаксыз», – ди.

Әти-әниләре психолог сүзенә колак салып, уллары белән бәхәсләшми башлыйлар, аңа күбрәк ирек, мөстәкыйльлек бирәләр. Үзенә булган мөнәсәбәтнең үзгәрүен, әти-әнисенең аңа ышана башлавын күреп, Билл да үзгәрә. Ул тик торганда бәхәсләшми, алар белән сүзгә килми башлый. Ә үзсүзлеге кая китәме? Үзсүзлеге һәм тырышлыгы аңа компьютер системаларын өйрәнүдә ярдәмче була.

Гөлнара Хәйдәрова

Дусларың белән бүлеш

 

 

Журналның иң беренче санын күрәсең киләме?




Сетевое издание «Салават купере»
© 2014-2020 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902,
выдано Федеральной службой по надзору в сфере связи,
информационных технологий и массовых коммуникаций (Роскомнадзор) от 17.11.2014 г.
Настоящий ресурс может содержать материалы 0+, 6+.
Вся информация, размещенная на данном веб-сайте, предназначена только
для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна.
Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646).
Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА»
Руководитель филиала: Хуснутдинов Зиннур Зиятдинович
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»