13 февраль – Бөтендөнья радио көне

Кешеләр элек-электән бер-берсенә мәгълүмат тапшыру, хәбәр бирү юлларын эзләгәннәр. Борынгы кешеләр моның өчен барабан тавышын, учактан чыккан төтенне кулланган, бер-берсенә хәбәр йөртүче чапкыннар җибәргән. Чапкын тапшырасы хәбәрен онытмасын өчен, аңа мәгълүматны еш кына рифмалаштырып, шигырь юлларына салып биргәннәр. Хәбәр бирүченең хәтере яхшы булырга, ул үзе тиз йөгерергә, дошманнар күзенә чалынмаска тиеш булган. Диңгездә йөргән кораблар маяк ярдәмендә бер-берсенә хәбәр бирә торган булганнар.

Хәбәрне, тавышны ерак араларга тапшыру идеясе радио уйлап чыгаруга этәргеч булган да инде. Бу бөек ачышны булдыручылар дип без 6 бөек галимне атый алабыз: рус галиме Александр Степанович Попов, серб Никола Тесла, француз Эдуард Бранли, италияле Гульельмо Маркони, алман Генрих Герц, америкалы Эдвин Амстронг.

Шулай да алардан беренче булып нәкъ менә Александр Попов, проводларны кулланмыйча гына, электромагнит дулкыннар ярдәмендә ерак араларга тавышны тапшырып булуына ышанган, һәм когерер дигән элемент ярдәмендә дөньядагы иң тәүге радиоалгычка нигез салган. Ул аны 1895 елның 7 маенда киң җәмәгатьчелеккә тәкъдим иткән. Шуңа күрә 7 май – Россиядә радио көне буларак бәйрәм ителә.

1946 елның 13 февралендә исә халыкара радиоэфирда беренче интернациональ «Радио ООН» станциясе эшли башлый. Шуңа күрә Бөтендөнья радио көне дип нәкъ менә 13 февраль санала. Бу көн – радиода эшләүчеләр өчен дә, аларның тугры җанатарлары өчен дә зур бәйрәм.

Дусларың белән бүлеш

 

 

Журналның иң беренче санын күрәсең киләме?




© 2014-2019 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902 от 17.11.2014 г.
выдано Федеральной службой по надзору в сфере связи, информационных технологий и массовых коммуникаций (Роскомнадзор).
Настоящий ресурс может содержать материалы 0+, 6+. Вся информация, размещенная на данном веб-сайте,
предназначена только для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна. Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646). Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА» Руководитель филиала: Хуснутдинов Зиннур Зиятдинович.
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»