Крокодил тешләрен чистартамы?

Сәлам, дустым! Син һәркөнне иртән һәм кичен тешләреңне чистартасыңдыр. Чыннан да, гигиена таләпләрен даими үтәп торсаң, тешләрең матур һәм сәламәт булыр. Ә менә крокодил тешләрен чистарта микән? Крокодилның тешләрен ит кисәкләреннән чистартучы нәни кошчык турында риваять бар. Бу риваять буенча, крокодил, судан чыгып, яр буена ята һәм авызын зур итеп ачып куя, ә «египетский бегунок» дип аталган бу нәни кошчык, ерткычның тешләре арасында калган ит кисәкләрен чыгара. Шул рәвешле ул үзе дә туклана, зур яшел дустын теш авыртуыннан да саклый, имеш. Шуңа күрә әлеге кошның икенче исеме – «крокодил сакчысы». Ләкин чынлыкта бу риваять дөреслеккә туры килми.
Крокодил, судан чыккач, чыннан да авызын ачып куя. Тик ул моны тән температурасын төшерү өчен эшли. Крокодил авызыннан чыккан ит исенә бик күп чебен очып килә, һәм кошчык нәкъ менә шул бөҗәкләрне тотып ашый икән.
Ә крокодилның тешен чистарту мәсьәләсенә килгәндә, бу сөйрәлүче хайванга ул бөтенләй дә кирәк түгел. Чөнки крокодилның тешләре даими алмашынып тора. Кечкенә вакытта ай саен, ә зуррак үскәч, ел саен, иске тешләре коелып, яңалары чыга икән.
Ә менә кешеләрнең тешләре, кызганычка каршы, гомер буена бары тик ике тапкыр гына алмашына. Шуңа күрә тешләреңне чистартырга һәм теш табибына даими күренеп торырга онытма, дустым!
Гөлнара Хәйдәрова

Дусларың белән бүлеш

 

 

Журналның иң беренче санын күрәсең киләме?




Сетевое издание «Салават купере»
© 2014-2020 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902,
выдано Федеральной службой по надзору в сфере связи,
информационных технологий и массовых коммуникаций (Роскомнадзор) от 17.11.2014 г.
Настоящий ресурс может содержать материалы 0+, 6+.
Вся информация, размещенная на данном веб-сайте, предназначена только
для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна.
Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646).
Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА»
Руководитель филиала: Хуснутдинов Зиннур Зиятдинович
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»