Елмаеп яшибез

Урыс теле дәресе:

– Рустам, телефон звОнит или звонИт?

– Белмим, апа, у меня шалтрата.

– Айнур, минем компьютерым эшләми.

– Анда бер зур төймә бар, аңа басып карадыңмы?

– Әйе, барыбер эшләми.

– Розеткага тыкканмы?

– Белмим, хәзер шырпы кабызам да карыйм.

– Ә шырпы нигә?

– Бездә утны сүндерделәр.

–   Улым, ник синең математика дәфтәрең башланмаган да?

–   Ул, әни, телдән эшләнә торган күнегүләр өчен.

–   Мин юынам, син юынасың, ул юына... Кайсы заман була бу?

–   Якшәмбе көн.

–   Гөлләр нигә шиңде икән? Балалар, әллә су сипмәдегезме?

–   Аларга тәрәзә төбендә салкын бит. Мин күп итеп кайнар су сиптем.

– Бабай, синең кечкенә чагың булдымы ул?

– Әйе, улым.

– И, көлгәннәрдер инде синең пеләшеңнән, име!