16 сентября 2019 10:19
Башы да бар югыйсә…
Һәммәбезнең билгеләре «Дүртле» белән «бишле» генә. Ә Гөлсемнең — ташка үлчим — Барлык фәннән «өчле» генә. Югыйсә бит башы да бар. Әйтсәң, «Исем китә, — ди ул. — Сыер савар өчен миңа «Өчле»се дә җитә», — ди ул. Шак лар каттык: «Кара, — дибез, Менә икән эш нәрсәдә!» Нәрсә булыр,...
Һәммәбезнең билгеләре
«Дүртле» белән «бишле» генә.
Ә Гөлсемнең — ташка үлчим —
Барлык фәннән «өчле» генә.
Югыйсә бит башы да бар.
Әйтсәң, «Исем китә, — ди ул. —
Сыер савар өчен миңа
«Өчле»се дә җитә», — ди ул.
Шак лар каттык: «Кара, — дибез,
Менә икән эш нәрсәдә!»
Нәрсә булыр, әтиләр дә
Тик «өчле»гә эшләсәләр?
Хәкимҗан Халиков