Әминә Бикчәнтәева шигырьләре

Бии-бии үс, әйдә

(Нәниләрне биетү такмагы)

Ары да килеп биисең,

Бире дә килеп биисең,

Яңа гына тәпи йөреп

Киткәнеңне белмисең.

Бигрәк матур биисең шул

Кечкенә Гөлсинәбез,

Егылсаң да еламыйсың,

Сине шуңа сөябез.

Сиңа бер яшь тулганына

Өч ай гына бит әле,

Биеп кенә, җырлап кына,

Тизрәк үсеп җит әле.

Туп

Әминә елый үкереп,

-Тубым суга төште, - дип.

-Чү, Әминә, елама:

Туп батмый ул елгада.

Туп-туп тубыбыз.

Туп-туп тубыбыз,

Син – безнең матурыбыз,

Тишмәбез дә югалтмабыз,

Оста тота кулыбыз.

Рөстәм, сиңа да бирәбез,

Әйдә, уйныйбыз бергә,

Кирәк аны, чөеп-чөеп,

Тотып ала белергә.

Туп сикерә, син дә сикер,

Тыпыр-тыпыр тыпыырда,

Дуслар белән уйна бергә,

Читтә генә утырма.

Йокла инде, курчагым

Зәңгәр күзле курчагым,

Әлли-бәлли ит әле,

Синең бит йоклар чагың,

Тәмләп йоклап кит әле.

Аргансың инде, җаным,

Йокла, минем матурым,

Мин дә синең яныңа

Ял итәргә ятармын.

Йокла инде, курчагым,

Йомылмаса да күзең,

Сине йоклата торгач,

Йоклап китәм бит үзем.

Әминә Бикчәнтәева

Дусларың белән бүлеш

 

 

Журналның иң беренче санын күрәсең киләме?




Сетевое издание «Салават купере»
© 2014-2020 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902,
выдано Федеральной службой по надзору в сфере связи,
информационных технологий и массовых коммуникаций (Роскомнадзор) от 17.11.2014 г.
Настоящий ресурс может содержать материалы 0+, 6+.
Вся информация, размещенная на данном веб-сайте, предназначена только
для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна.
Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646).
Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА»
Руководитель филиала: Хуснутдинов Зиннур Зиятдинович
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»