«Сәйяр» йолдызлары – 2019» Казан шәһәре Идел буе районы 396-нчы номерлы балалар бакчасы

Нәниләр дә театр ярата

Театр. Сәхнә. Артист.

Бу сүзләрдә никадәр хыял! Бу сүзләрне ишетү белән сабыйларнын күзләрендә очкыннар кабына, иреннәрендә елмаю чагыла. Чөнки, һәркайсының артист булып карыйсы килә. Чынлап та, кечкенәдән кем генә артист булырга хыялланмый икән?

Балалар бакчасында мондый хыялларны тормышка ашырырга ярдәм итүче тәрбияче апалар эшли.

Безнең «Урман әкияте» исемле 396нчы балалар бакчасында татар театр түгәрәге 20 еллап эшләп килә. Безнең спектакльләрдә тәрбиячеләр һәм әти-әниләр дә бик теләп катнашалар: костюмнар, декорацияләр белән ярдәм итәләр. Мондый бердәмлек уңай мөнәсәбәтләрнең нигезе булып тора, бакчада тәрбияләнүчеләрнең тормышын иҗади шатлык белән тулыландыра. Сабыйлар кызыксыну, уйчанлану, оялчанлык, гаҗәпләнү кебек хис-халәтләр белән танышалар. Безнең репертурда бик күп әкиятләр: «Кызыл калфак» (Ш. Перро), «Шалкан», Габдулла Тукайның әкиятләре, «Тарихи Казан» театральләштерелгән музыкаль композиция һәм башкалар. Халкыбызның гореф-гадәтләрен, йолаларын чагылдырган күренешләр дә куела. Спектакльләрдә уйнау, иҗади уеннарда катнашу балаларның сөйләм телләрен камилләштерә, аралашу активлыгын үстерә, үзләрен тамашачылар алдында иркен тотарга өйрәтә.

Без һәр ел саен диярлек театр конкурсларында катнашабыз: шәһәр мәгариф идарәсе оештырган «Яшь артист»; «Салават купере», «Сәхнә» журналлары оештырган «Сәйяр» конкурсларында «Ялкаулык-хурлык» спектакле белән призлы урыннар яуладык.

Тагын шуны да әйтеп үтәсе килә: һәр елны, 27 нче мартта, бакчабызда театр көне үткәрү матур традициягә әйләнде. Бу көнне олысы-кечесе, бакчабызның һәр хезмәткәре нинди дә булса персонаж костюмына киенә. Залда костюмнар күрсәтү тамашасы оештырыла, төрле спектакльләр, күренешләр тәкъдим ителә.

Милләтебезнең бүгенге көннәрдәге иҗади шәхесләре белән дә таныштырып барырга тырышабыз. Күптән түгел татар язучылары белән очрашу оештырдык. Кунакка балалар язучылары Йолдыз Шарапова, Галимҗан Гыйльманов, Равилә Шайдуллинаны чакырдык. Алар балалар алдында чыгыш ясадылар, үзләренең китапларын бүләк иттеләр. Балалар да җавапсыз калмадылар: өйрәнгән шигырьләрен сөйләделәр һәм Галимҗан Гыйльмановнын «Конфетлар патшалыгында» спектаклен күрсәттеләр. (Бу спектакль өчен балалар әниләре һәм тәрбиячеләр белән бергә төрле зурлыктагы конфетлар ясадылар, ә иң нәни сабыйлар конфетлар биюен башкардылар) Чара бик күңелле аралашу булып истә калды.

Шакурова Наиля Гарифулл кызы

Муниципаль автономияле мәктәпкәчә белем бирү учреждениесе

Казан шәһәре Идел буе районы «Балаларның үсеш үзәге – 396-нчы номерлы балалар бакчасы

Дусларың белән бүлеш

 

 

Журналның иң беренче санын күрәсең киләме?




Сетевое издание «Салават купере»
© 2014-2020 Филиал АО «Татмедиа» «Редакция журнала «Салават купере»
Свидетельство о регистрации СМИ ЭЛ № ФС77-59902,
выдано Федеральной службой по надзору в сфере связи,
информационных технологий и массовых коммуникаций (Роскомнадзор) от 17.11.2014 г.
Настоящий ресурс может содержать материалы 0+, 6+.
Вся информация, размещенная на данном веб-сайте, предназначена только
для персонального пользования и не подлежит дальнейшему воспроизведению и/или распространению
в какой-либо форме, иначе как с письменного разрешения редакции журнала «Салават купере».
При цитировании гиперссылка обязательна.
Адрес редакции: 420066, г. Казань, ул. Декабристов, д. 2.
Телефон: +7 (843) 222-05-46 (1646).
Электронная почта: salavatkupere@mail.ru, salavat-kupere.dir@tatmedia.com.
Учредитель СМИ: АО «ТАТМЕДИА»
Руководитель филиала: Хуснутдинов Зиннур Зиятдинович
Главный редактор: Хуснутдинова З.З.
Политика о персональных данных в АО "ТАТМЕДИА"
Антикоррупционная политика АО "ТАТМЕДИА""

Сайт разработан в IT департаменте АО Татмедиа»