Яз

Бу кайсы вакыт?

Боз һәм кар эреде,         
Сулар йөгерде;             
Елап елгалар,                
Яшьләр түгелде.
Көннәр озая, 
Төннәр кыскара, 
Бу кайсы вакыт? 
– Йә, әйтеп кара.   
Габдулла Тукай 

Яз

Яз килде, кояш көлде,
Дөньяга нур бөркелде. 
Уянды бар агачлар, 
Куанды алмагачлар.       
Резеда Вәлиева

Яз килә

Гөрләвек ага,     
Кояш елмая,  
Торналар үтте  
Тезелеп бая. 
Гөрләвекләрдә
Уйный үрдәк, каз.
Илне яшәртеп, 
Шаулап килә яз.
Нур Гайсин