ТАБЫШМАКЛАР

Агач атлар
Кардан баралар.
Карда батмыйлар,
Матур эз салалар.
(Чаңгы)
Шома табанлы чана,
Атсыз да алга чаба —
Кулда булса таяклар,
Җитез булса аяклар.
(Чаңгы)
Кышын таудан шуабыз,
Җәен җыеп куябыз.
(Чана, чаңгы)
Йөртәләр аны һәрвакыт,
Каты-каты типкәләп,
Җан-фәрманга йөгерә ул,
Тормый бер дә үпкәләп.
(Футбол тубы)
Елгада су акканда
Эшсез без — ял итәбез.
Елга бозга әйләнгәч,
Без йөгереп китәбез.
(Тимераяклар)
Аяклары түгәрәк,
Куышалар, тәгәрәп.
Үзем утырам, үзем чабам
Теләсә кая табан.
(Велосипед)
Ике көпчәкле арба,
Атсыз да алга чаба.
(Велосипед)
Типтем — очты, биеп-биеп,
Суга төште, батмады.
Әни әйтә: «Шуны чөеп,
Тәрәзәне ватма!» — ди.
(Туп)