Аю бара лап-лап

Максат. Баланы әйберләрне күрергә, күзәтергә өйрәтү.

Корсагына яткан баланың каршына, 70-90 см ара калдырып, ике уенчык аюны бер-берсенә якын куегыз. Баланың игътибарын аюларның берсенә җәлеп итеп, сез: “Аю бара лап-лап”, - дия-дия, бер аюны читкә (80-100 см) алып барыгыз. Бала, уенчыкны күзәтә-күзәтә, башын бора, ә соңрак гәүдәсе белән үк борыла. Икенче аюны каршы якка хәрәкәт иттерегез. Бала икенче якка борылырга мәҗбүр. Аннары аюларны чиратлап баштагы урыннарына китерергә мөмкин. Бу биремне бала белән 2-3 тапкыр рәттән үтәргә була. Уенның дәвамлыгы 2-3 минут.

Игътибар!

*Уенның 1 варианты өчен ачык төстәге шалтыравык яки кыңгыраулы уенчык кирәк булачак.

*Уенның 11 варианты өчен уртача зурлыктагы (20-30 см) музыкаль яки хәрәкәтләнә торган уенчык (биюче аю, барабан сугучы куян һ.б), ачык төстәге теләсә нинди уенчык (резин үрдәк, аумас курчак һ.б.) әзерләргә кирәк.