Кышкы чистаәйткечләр

Мин сезгә чистаәйткечләр тәкъдим итәм. Чистаәйткеч ике өлештән тора. Беренче өлеше – билгеле бер иҗекне өч тапкыр кабатлау, икенче өлеше – беренче өлеш белән рифмаланучы 2-4сүздән торган фразаны әйтү. Шул рәвешле, бала иҗекләрне кат-кат кабатлап, аларны чиста һәм аңлаешлы әйтергә өйрәнә. Әлеге күнегүләрне төрле темаларга багышларга була. Баланың үзенә дә уйлап табарга тәкъдим итү отышлы. Бу очракта инде баланың фантазиясе, тирә-якны танып-белүе дә үсеш ала.

Те-те-те – ап-ак кыш җитте.

Ар-ар-ар – урамда яуган ак кар.

Ли-ли-ли – әби бияләй бәйли.

Ки-ки-ки – итекләрне ки.

Га-га-га – чыгам чана шуарга.

Ык-ык-ык – урамда суык.

Ал-ал-ал – кошларга җим сал.

Нәк-нәк-нәк – җимлеккә килгән песнәк.

Ран-ран-ран – урамда буран.

Ри-ри-ри – әти кар көри.

Тә-тә-тә – Яңа ел җитә.

Ур-ур-ур – чыршыбыз матур.

Ам-ам-ам – кышны яратам.

Алия Альнур кызы Сәләхова, Тукай районы «Ләйсән» балалар бакчасы муниципаль бюджет мәктәпкәчә белем бирү учреждениесе, тәрбияче.