2020 нче елга йолдызнамә

*Эшлеклелек планында 2020 ел Кучкарлар өчен катлаулырак булыр кебек. Шулай да, әгәр үзләре активлык күрсәтеп, бар эштә дә башлап йөрсәләр, түрәләре аларны билгеләми калмас, үсеш тә озак көттермәс.

   * Үгезбозауларны лаеклы бүләк көтә; ләкин алар үрләргә бер дә туктамый менү кирәклеген онытып җибәрмәсеннәр иде. Азга гына туктап калуның да артка тәгәрәүгә китерүе бар.

   * Игезәкләр өчен 2020 ел уңыш көтүләр, көч һәм идеяләр туплау елы булачак. Аларга ничек тә азрак сөйләргә, күбрәк тыңларга һәм күбрәк вакытларын иҗатка багышларга киңәш итә йолдызлар.

   *Кыслалар өчен килешүләргә еш барырга кирәк булачак. Аларны үз серләре ачылудан курку, түрәләренә карата ачу-үч саклау хисләре интектерер.

   *Арысланнарга киләсе елда мәхәббәт дулкынында йөзәргә туры килмәсә дә, эштән бәхетләре булыр кебек. Ләкин сабырлык кирәк булачак: чама хисен югалтмый, нәфесегезне тыеп кына алга куйган максатыгызга юл ярыгыз.

   *Кызлар өчен 2020 ел тыныч булмакчы: ял итү өчен дә, үткәннәрне анализлау өчен дә вакытыгыз җитәрлек булыр.

   *Үлчәүләргә йолдызлар яңа хисләр әзерли. Эш алыштыруыгыз мөмкин. Элекке файдалы контактларыгызны барлый башларсыз, ләкин кирәк чакта ярдәмне бөтенләй башка яктан тоярсыз...

   *Чаяннар өчен ел укулар-белем алулардан һәм үз өсләрендә эшләүдән башланачак. Шулай да артыгын эшләргә кирәкмәс, чөнки моны беркем дә тиешенчә бәяләмәячәк.

   *Укчыларга килгәндә, 2020 елда аларның үз эчләренә бикләнүләре бар. Шулай ук алга планнар кору һәм үз-үзен анализлау белән дә шөгыльләнәләр. Иң мөһиме: үткәннәрне искә төшермәү – бу яхшыга илтмәячәк.

   *Кәҗәмөгезләрне эшләрендә уңыш көтә. Ләкин моның өчен алардан үз-үзләренә ышану һәм үҗәтлек таләп ителә.

   * Сукоярларга үзләренең хезмәтләренә нинди дә булса түләү алу өчен шактый тырышырга туры киләчәк. Аларны эш урыннарында конфликтлар, хәтта карьерада түбән тәгәрәү көтә. Ләкин ел ахырына хәлләр яхшыга борылачак!

   *Балыкларга 2020 елда финанс килешүләре һәм кредитлар белән гөгыльләнү, шулай ук төрле җитди карарлар кабул итү киңәш ителми. Берникадәр вакытка тукталыш алыгыз һәм ниндидер җаваплы эшкә алынганчы ныклап уйлагыз.

Фото: pixabay.com