13 сентябрь - шарлотка һәм көзге пироглар көне

Шул уңайдан ялларда якыннарыгызны сыйлар өчен тәмле шарлотка рецепты калдырабыз. Тәмле булсын!

5 алманы юып, кабыгыннан чистартабыз да телемләп турыйбыз. Шарлотка пешәсе табага салып, сыер маенда кыздырып алабыз.
Өстенә шикәр комы сибәбез.

Камыр өчен: 3 йомыркага 1 стакан каймак, 1 бал кашыгы камыр йомшарткыч (разрыхлитель), 1 стакан он салып болгатабыз. Алма өстенә агызып, газ мичендә пешерәбез.