26 апреля 2024 11:43
Бүген Габдулла Тукайның туган көне!
26 апрель – татар халкының бөек шагыйре Габдулла Тукайның туган көне. Ул бик әз яшәсә дә, безгә зур әдәби мирас – әкиятләр, шигырьләр, мәсәлләр калдырып киткән. Тукаебызны онытмыйк, туган телебезне бергәләп саклыйк!
Туган тел
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
И туган тел! Һәрвакытта ярдәмең берлән синең,
Кечкенәдән аңлашылган шатлыгым, кайгым минем.
И туган тел! Синдә булган иң элек кыйлган догам:
Ярлыкагыл, дип, үзем һәм әткәм-әнкәмне, Ходам!
Габдулла Тукай.