16 июня 2025 13:56
Казан сабан туена рәхим итегез!
Казанда Сабантуйны 21 июньдә өч бәйрәм мәйданчыгында – «Мирный» һәм «Дәрвишләр» бистәләрендәге каенлыкларда һәм «Аккош»күле янындагы урман паркында билгеләп үтәчәкләр.
Барлык бәйрәм мәйданчыклары 9.00 сәгатьтән, баш батыр билгеләнгәнче эшләячәк.
«Мирный» бистәсендә узачак «Балалар Сабан туе» мәйданчыгында бәйрәм концерты, күңел ачу программасы, сабын куыклары һәм крио-шоу, балалар өчен халык уеннары, иҗади мастер-класслар булачак. Оештыручылар тамашачыларны бәйрәмгә милли киемнәр киеп килергә чакыра.