21 апреля 2025 13:32
«Нәүрүз гүзәле - 2025»
Татарстан Республикасының дәүләт телләрен саклау, өйрәнү һәм үстерү программасы кысаларында Түбән Каманың 15 нче балалар бакчасында «Нәүрүз гүзәле - 2025» өченче төбәкара конкурсы узды.
Бу ярышның финалында Түбән Кама, Алабуга, Мамадыш, Актаныш, Мөслим, Кукмара, Минзәлә районнарының мәктәпкәчә учреждениеләреннән 5-7 яшьлек 17 кыз катнашты.
Кызлар барлык биремнәрне дә бик яхшы үтәделәр: татар милли колоритлы «яз гөле» костюмнарын тәкъдим иттеләр, иҗади талантларын күрсәттеләр, шулай ук әти-әниләре белән бергә язгы чәчәк бәйләмнәре һәм татар милли ризыклары әзерләделәр.
Бу бәйгедә быел Яр Чаллы шәһәренең 1 нче санлы «Шатлык» балалар бакчасыннан Зәрина Мәүлеветдинова катнашып 2 урын яулады.
Балаларга кубоклар, бүләкләр тапшырылды. Бу бәйге - матур балачак бәйрәме булды.
Балалар бакчасы мөдире Илүсә Өлфәт кызы.