Баланы горшокка өйрәтү

Баланы горшокка өйрәтү буенча доктор Комаровский бер мисал китерә. «Сезгә баланы мөстәкыйль рәвештә ашарга өйрәтергә кирәк ди, ләкин баланың бер дә әти-әнисенең ашаганын күргәне юк. Сез балага башта авызны ачасы, анда азыкны саласы дип аңлата аласызмы, авыр бит шулаймы? Хәзерге алга киткән җәмгыятьтә бала әти-әнисенең туалетта нишләгәннәрен күрми үсә. Шуңа күрә дә күп балалы гаиләләрдә горшокка өйрәнү тизрәк була. Шуңа күрә дә балагыз балалар бакчасына барыр вакыт җиткәндә мөстәкыйль рәвештә эшләрен горшокка башкара белмәсә, бер дә борчылмагыз, бакчада ул башка балалардан күреп бу эшләргә тиз өйрәнәчәк», дип яза Комаровский.