Буа муниципаль районы Буа шәһәренең катнаш төрдәге «Кояшкай» балалар бакчасында «Нурчыклар» мультстудиясе эшли. Нәни иҗатчылар тәрбияче апалары белән берлектә менә дигән мультфильмнар төшерәләр. Сценарийны да, төп персонажларны да алар сәләтле тәрбиячеләре белән бергәләп уйлап чыгаралар. Аннары рәхәтләнеп иҗат итәләр: рәсем дөньясына чумалар. Рәсемнәрне җанландыралар һәм тавыш яздыралар! Менә шулай итеп чын могҗиза – «Нурчыклар» студиясе иҗат иткән мультфильм килеп чыга да инде!