Кәстрүл, иләк, уклау, чүмеч.... Бу сүзләрне күбрәк кем куллана? Дөрес, аларны пешекче куллана. «Бәби сүз» проектында өр-яңа тема «Пешекчегә ярдәм ит». Яңа сүзләр өйрәнү өчен безнең проектка рәхим ит.

"Бәби сүз" проекты кысаларында балалар "Кыргый хайваннар" темасы белән танышабыз. Видеода хайванның рәсеме, сүзнең татарча әйтелеше һәм язылышы, иҗекләргә бүленеш һәм сүзнең басымы бар. Шулай ук бала кыргый хайванның фотосын күрә һәм тавышын ишетә ала.

Ел фасылларын өйрәнәсең һәм һава торышына карап нәрсәләр кияргә кирәклеген дә белергә теләсәң, «Бәби сүз» проектына рәхим ит! «Бәби сүз» проектында күк җисемнәре, табигать күренешләре турында да өйрәнеп була. Диктор артыннан кабатлап барып аларны тиз генә исегездә дә калдырырсыз.

Викторина уйныйбыз, үзебезне сыныйбыз, күп белергә телибез! Әйдәгез, бергәләп уйнап алыйк! "Бәби сүз" проектында өйрәнгән барлык темаларны кабатлап үтик.